Saarlänner in Wängkuwer @primfaktor@qoto.org
Joined Apr 2022
@jochenprang Kenn'er halt net, weil's net „die Bude“ gibt. Stattdessedn viele Server bei allemeechliche Leit im Keller.
Endlich hamma's heit mol geschafft, noh Nord-Vancouver („Northvan“) ze fahre; unn zwar mim Seebus. Der fahrt [ganz bei uns in da Näh][fuss] los, koschd 2,50 $ unn braucht [knapp e Verdl Stunn enüwwa][meer].
Uff de anner Seit hat uns e Kolonn Cormorane empfang. Von soh nah hann ich die noch nie gesiehn.
Iss ganz scheen do im Norde, kommt ma alles e Bissje ruicher vor.
[fuss]: https://goo.gl/maps/YLV44qXmZyC4m8MD9
[meer]: https://goo.gl/maps/3T6ej3yETyLyJ9s89
Sichtbarkeitsverpeilungsrepost vom 12. November 2022
---
Nohdem mei Geboardsdaach am Samschdaach jo _so_ scheen sonnich war, ging's Sonndach e Bissje unn Mittwoch Naacht so richdich los mit Schnee.
Das war de fühschde Schneefall in Vancouver seit 70 Johr.
Hier in da Stadt war nadierlich alles schnell widda weg, awwa wemma jetzt Richdung Berje gugge, dann hann se schon weiße Käppcher.
Sichtbarkeitsverpeilungsrepost vom 5. November 2022
---
Ich glaab, ich hann noch nie so gudd/warm Wetter gehatt an meinem Geboardsdaach. Mir brunche im 41. Stock uff unserm Haus unn die Badehos für de Whirlpool hann ich schon drunner.
Sichtbarkeitsverpeilungsrepost vom 2. November 2022
---
Heit, am 2. November simma e halb Johr do. Net uff dene Daach geplant, sondern eher passiert: mol ins kalte Meer gehn.
Bei 8 ° Luft- und 10 ° Wassertemperatur simma mo kurz ningehupst. Schon kalt muss ma saan. Mir sinn die Fieß eigentlich schon vorher beim 300 m barfuß üwwa de kalte Sand laafe inngefrohr.
Awwa ma ware drin! Werre ma nommo mache. Es Foddo iss von hinnerher.
Sichtbarkeitsverpeilungsrepost vom 25. Oktober 2022
---
Wie ma sieht hotte ma nommol e richdich scheener, warmer Daach.
Der See schien so e Bissje sumpfich unn net so gudd für die Bäm ze sinn, am Ufer war nämlich alles dod.
Apropos dod: Voll das Erfolgsmodell in dem Wald schien ze sinn, dass uff alte große Stümpfe – meischd etwa so ca. 2 m hoch – neie Bäm druffwachse. Die schlängele dann ihr Wurzele auße lang runner unn nutzt vermutlich ach das alte Wurzelsystem. E scheenes Bild zur Demonstration hamma leider net gemacht, awwa es gab dort kaum e Stumpf, der net üwwanomm wor wär von was Jungem. Unn teilweise ware die Junge dann durchaus aach schon widda 20–30 m hoch.
Sichtbarkeitsverpeilungsrepost vom 25. Oktober 2022
---
Ich häng immer so hinnerher, Tschuldigung. Es Wochenenn Mitt Oktower hat mo kenna von unsre Freunde Zeit für uns gehatt, awwa raus wollte ma trotzdem. Also simma ganz normal [mim Bus](https://goo.gl/maps/rC2FLFNuLrf42YUU6) noh Horseshoe Bay gefahr unn von dort mit da Fähre noh [Bowen Island](https://goo.gl/maps/3Sn5MyBB2djDGfU79).
Dort hamma e subbascheen Wannerung um de Killarney Lake gemacht. In meinem Läwe hann ich glaawich noch net so viel Farne uff änem Haufe gesiehn. Das war richdich scheen.
Sichtbarkeitsverpeilungsrepost vom 12. Oktober 2022
---
Also der Rään, vor dem se uns all warne, lässt immer noch uff sich warte. Iss jetzt Mitte Okdower unn immer noch laaf ich in Flip-Flops rum. Omends sollt ma e Jäckche debei hann, awwa sonschd…
Ledschdes Wochenenn hat uns e Freund uff e Wannerung in da Näh mitgenomm. Julia uff'm offizielle Weech, weil Fuß verknackst, mit zwä sinn durch de Fluss genwannert. Awwa ohne ninfalle, weil iss Lava.
Bis zum Wasserfall hoch, wo ma nimmeh weiterkonnte, dort hamma dann e kurzes, äußerst erfrischendes Bad genomm.
Uffm Rickweech hamma Julia gefunn, mit dem ma nommol ganzkörpergekneipt hann unn hann uns hemm gemacht.
Julia hat noch e sehr scheen, wohl eher jung [Gewöhnliche Strumpfbandnatter](https://upload.wikimedia.org/wikipedia/commons/thumb/8/8f/Valley_Garter_Snake-_Thamnophis_sirtalis_fitchi_%289401040521%29.jpg/1920px-Valley_Garter_Snake-_Thamnophis_sirtalis_fitchi_%289401040521%29.jpg) gesiehn.
Am Daach druff uffm Weech zum Strand hamma dann ach endlich noch e Koyote gesiehn. hat enfach uff na Wies in da Sonn geläh unn genoss.
Sichtbarkeitsverpeilungsrepost vom 14. September 2022
---
Gebbt's hier öfter. Do muss Kanada nohziehe.
Sichtbarkeitsverpeilungsrepost vom 12. September 2022
---
Bin grad in Seattle für die DevCon, e Konferenz von Amazon. Beim Omendesse hann ich noh alkoholfreiem Bier gefroht. Das hann Restaurants faschd nie, awwa hier krinn ich doch tatsächlich aus na Flasch mit me sehr vertrautes Bitburgerlogo ausgeschenkt. Heimat!
Sichtbarkeitsverpeilungsrepost vom 11. September 2022
---
Samschdach ware ma – vermutlich zum leschde mol mit richdich scheen warm – es ledschde Mol am [Wreck Beach](https://goo.gl/maps/g2dUGmaErbFmyv9q9), unserm Lieblingsstrand, der praktischerweis ach FKK iss.
Als ma vormiddachs ankomm sinn war so weit Ebbe wie noch nie. Ma konnt dann um die Wellebrecher rumlaafe zu nem Stick Strand, den ma vorher noch nie gesiehn hodde. Dort hamma Seehunde beobachte kenne, __27 Stick__ hamma gezählt!
All ware se im Wasser, awwa stännich neigierich de Kopp rausgestreckt was der Kerl do so bleed im Wasser rumsteht. Leider hat sich kenne so richdich nah rangetraut, so 5–30 m ware se um mich erum verdält. Doll!
Omends hann sich dann ganz komische Wolke vor die Sonn geschob, die alles orange gemacht hann. Heit Morje hann ich verstann warum. Ich muss nur ausm Fenschder gugge unn mo rieche. Es scheint in einicher Entfernung krass ze brenne unn deshalb simma in da Räucherkammer hier.
Sichtbarkeitsverpeilungsrepost vom 7. August 2022
---
Am 27. Juli war in Vancouver Start von Celebration of Light, wo drei Natione zum Feuerwerkwettbewerb aangeträt sinn (Japan, Kanada unn Spanie). Mir konnte leider nur Daach enns siehn, awwa den wenichens vom Boot aus, net am Strand mim Pöbel. 😝
Oh weh, mir fallt grad uff, dass ich etwa bei meine ledschde Dutzend Innträche e Instellung falsch gesetzt hann.
Die kamma all nur siehn, wenn ma mir folgt, also ach angemellt iss. Ich vermute, dass sinn die wenichde von eich.
Also ich werre die vermutl. all nei poste müsse. Leider stimmt dann's Datum unn die Reihenfolge nimmeh, awwa egal…
Am Wochenenn hamma nommo e Wannerung gemacht. Die war werklich maximal, was ma sich als Deitscher unner Kanada so vorstellt.
Angefang hamma an nem [See][], wo ma im Kanu losgefahr sinn in e Flussarm rin unn hoch. Knapp unner na Stunn hat das wahrscheinlich gedauert. Ma ware awwa ach langsam, weil ma zwischedrin immer widda aussteije musste, weil ma uff Grund gelaaf sinn. Es war nämlich e Tidefluss, der grad ganz Ebbe war.
Herrlich war, dass unser neier Freund AJ seit Hund debei hott, der die ganz Fahrt lang am Ufer mit- bzw. vorausgewetzt iss.
Dann hamma's Kanu an Land gezerrt unn sinn zu Fuß weiter; erschd e Bissje Schotterweech awwa dann doll im Wald. Obwohl vor Bäre gewart wird, hamma leider kenn gesiehn.
Ziel war e richdich doller, reißender Fluss üwwa weiße Steine unn Kiesel. Dort hamma erschd mol Middach gemacht. Ab dann war uns die Sonn ach zugeneigt unn hat uns es kalte Wasser besser ertrahn losse. De AJ kannt e besonnerschd scheen Stell, wo ma e paar Meter ins Superblau springe kann, was gewisse Leit ausgiebich genutzt hann.
Die Wannerung – unn ich glaab speziell ach die Wassertemperatur – hann uns awwa _so platt_ gemacht. Ich hann's ball net geschafft für die Hemmfahrt wachzebleiwe.
So, jetzt muss ich mo dringend nommo was schreiwe, damit die Paus net üwwahand nemmt.
Also ledschdes Wochenenn ware ma Donnerschdach bis Mondach uff nem [Acro Yoga Festival][unity]. Bilder hamma leider kaum, weil es Handy meischdens im Zelt lag. Enns gebt's von dem dolle Fluss, der direkt am Zeltplatz vorbeilief; so klar unn erfrischend.
Von der Brick, die ma im Hinnergrund sieht konnt ma nadierlich runnerspringe. Unnedrunner hodde se bestimmt 10 Ringe uffgehängt, so dass ma scheen affeschwinge mache konnt.
Daachsüwwa gab's jeweils 3 Lehrgäng, immer 2 Stunn lang. Do war ma meischd echt schommo ganz scheen platt devon. Omends hat dann immer noch e DJ uffgeleht. Während die halb Hall weitergeiebt hat, hat die anner Hälft abgedanct.
Das war schon werklich sehr sehr sehr scheen dort. Net nur Fluss unn Wetter, ach die Leit, die ma dort getroff hat. Ganz viele besonnere unn liewe Leit, die enfach alle Spaß gehatt hann.
E paar von dene sinn ach __richdich gudd__ in diverse Sache. Also was die an Vorführunge omends gemacht hann, die kennte genau so gudd bei Cirque de Soleil gewehn sinn.
[unity]: https://www.ayunityfest.com/
Es gebbt hier e Strand mit ganz vill Haase. Wie die meischde Tiere im Vergleich zu Deitschland sinn ach die kaum ängschdlich.
Leider iss'es Julia umgeknickt mit schlechte Fuß uffm Weech runner; nadierlich ganz owwe, 5 min noh Start. Entsprechend anstrengend war de ganze Runnerweech. Kaum ware ma im Auto: sofortiches Koma.
Ganz owwe iss ma beim dritte Joffre Lake – wunnerscheen. Das war definitiv es kältschde Wasser, in dem ich in meinem Läwe drin war. De See werd vom Schmelzwasser (Schnee/Eis im Hinnergrund) gespeist…
Es gab noch einiche meh interessate Tiere ze siehn, z. B. sehr zutrauliche [Meisenhäher](https://www.wikiwand.com/en/Canada_jay).
Als ich den Bär sah ware ma uffm Weech zu da [Joffre Lakes](https://www.openstreetmap.org/#map=14/50.3560/-122.4959). Das war e echt scheen Wannerung!
Joined Apr 2022
